Das ist die Seite von Gustav Freudmann / Mei Liadabuach

 

Bobowill, definidif

(Positively 4th Street/Bob Dylan)

Heasd, du bisd schee beinaund, waunnsd sogsd,
du bisd mei Freind.
Wia_r_i in Oasch woa, do hosd di
nix wia oghaud.

Jo, du bisd ma wiagli schee beinaund, weu dei Hüf woa niemois,
des wos scheind.
Di indressiad do nua des
wos di aufbaud.

Du sogsd, i loss di obe, nua du waaßd,
des is ned woa.
Waunns di echd so schmeadsd, warum is
ned zum Gschbian?

Du sogsd, du hosd valuan in Glaubn, nua du waaßd,
doss ned so woa.
Weu du hosd kan Glaubn nie ghobd ned
zum Valian.

I waaß gaunds genau, warumsd hindta mein Ruckn
duasd bled redn.
I ghea nimmamea dazua duadt, wos di
haum eigfaungan.

Glaubsd echd, i bin so debpad und hau mi auf a Backl
mid an Jedn,
wos ois vaschdeckn muaß, mid wos a nix
kau aufaungan?

Waunnsd mi siechsd auf da Gossn, daunn duasd imma
ibarroschd a so.
Du sogsd seas, griaß di, wia gehds da, doch des
duasd nua schbühn.

Du waasdas so genau wia_r_i, am liabsdn
sechasd mi k.o.
Warum schoffsdas ned, dossdas amoi
duasd aussabrühn?

Na, mia gehds ned so guad, waunn i siech in Kumma,
wos duasd kuidtiwian.
Waunn i a Diab wa, i glaub i
dad dan schdöhn.

Heasd, i waaß, wosd ned hosd und ned bisd, des duad di
gaunds schee schdian.
Oba wüsdas ned vaschdeh, des kau mi
goa ned gwöhn.

I winsch ma, a anzichs Moi kenndtasd schdeh do drin
in meine Bock
und des anziche Moi, do
wa_r_i du.

Jo, i winsch ma_r_a anziches Moi kenndtasd schdeh, do drin
in meine Bock.
Daunn missasdas amoi seng de Gschdoid,
wos bisd du.


© Gustav Freudmann 2016, 2017, 2018, 2019