Das ist die Seite von Gustav Freudmann / Mei Liadabuach

 

Brüllandtn-Eifon Zwöhf bluss bluss

(nach Leopard-Skin Pill-Box Hat/Bob Dylan)

Bfau, du hosd jo scho,
a neichs Brüllandtn-Eifon Zwöhf bluss bluss.
Jo, i siech, du hosd scho,
dei neichs Brüllandtn-Eifon Zwöhf bluss bluss.
Oide, bidte, des muassd ma dazöhn,
wia is fia dei Uawaschl, a so a Kuss,
von neichn Brüllandtn-Eifon Zwöhf bluss bluss...

Heasd, Madl, des schdehd da so subpa!
Deaf is a boa moi nua haun umd Ead?
Waaßd, i dad jo nua gean wissn,
ob des a wiagli sein Breis woa wead.
Des Ding in deina Haund is echd a Genuss,
wia_r_a Schdiggl Goid auf an Haufn Misd,
dei neichs Brüllandtn-Eifon Zwöhf bluss bluss...

Wüsd da Sun bein Aufgeh zuaschaun?
Madl, i wissad scho wia.
Mia zindn au a boa Keazaln
und sedsn si aundächdich draussd vua de Dia.
I mid mein Nokia, hindt in Sock, wia_r_a Russ
und du auf de Knia,
vua dein neichn Brüllandtn-Eifon Zwöhf bluss bluss...

Deaf i di segn, hob i gfrogd dein Dokda.
Wa ned gsund fia di, sogda zu mia.
I gibs zua, i hob mi ned drum kimmad,
hob gleidt bei dia - und ea mochd auf de Dia.
Waunns mi bescheißds, mochads jo no kan Vadruss
i winschad nua, ned ea heds drogn in da Haund,
dei neichs Brüllandtn-Eifon Zwöhf bluss bluss...

I waaß, du hosd jeds an Neichn,
den hob i bis jeds zwoa niemois no gseng.
Oba i hob eam gseng mid dia bei da Liebe,
weus Garaschndial woa_r_offn a weng.
Du glaubsd vülleichd, dea schdehd auf di weng deina Marie,
oba i waaß, weng wos a wiagli schdehd auf di,
es is dei neichs Brüllandtn-Eifon Zwöhf bluss bluss...


© Gustav Freudmann 2016, 2017, 2018