Das ist die Seite von Gustav Freudmann / Mei Liadabuach

 

Da Glaung vo da Schdülle

(Sound of Silence/Simon & Garfunkel)

Grias di, oide Dunkeheid,
fias Drodschn warads wieda Zeid.
Weu Büdln, wos in mi san greud gaunds schdüh,
haum si in Schlof voi eignahd meine Gfüh
und haum si eibflaundsd in mei Hian afoch a so
und bleibn do.
Do drin in Glaung
vo da Schdülle.

In meine Dram geh_r_i allaa,
vo Bflosdaschdaa zu Bflosdaschdaa.
Wo da Ladeananschein de Nochd dahöd,
hob i ma daunn in Grogn schdeu aufgschdöhd
und a grölla Neonblids hod ma ins Aug an Becka gmochd
und zfedsd de Nochd.
Hod gschdrafd in Glaung
vo da Schdülle.

In laarn Liachd san greud dahea
zehndausnd Leidt, waunn ned no mea.
De Leidt haum gredt vü owa gsogd haums nix.
De Leidt haum ghead vü und vaschdaundn nix.
Leidt haum gschriabn Liada, wos kana Singan däd
und draun si ned
zum Schdean in Glaung
vo da Schdülle.

Es Noan, hob i gsogd, schauds do wia,
de Schdülle wochsd, gschwind wia_r_a Gschwia.
Huachds auf de Wuadt, wos i eich sogn kau
und nehmds in Oam, wos i eich reichn kau.
Oba wia Regndrobfn san meine Wuadt schdüh owegfoin,
dan Greise moin
in finsdan Säh
vo da Schdülle.

Und d'Leidt san gniad volla Aundochd
vuan Neongodt, den wos haum gmochd.
Und eis a Woanung hod a Zeichn gliad,
in haaße Wuadt, de wos a jeda gschbiad.
Es hod gsogd, wos de Brofehdtn sogn, des schdehd gschriebn auf jeda U-Baun-Waund
in jedn Laund.
Hod gflisdtad eine in Glaung
vo da Schdülle.


© Gustav Freudmann 2016, 2017, 2018