Das ist die Seite von Gustav Freudmann / Mei Liadabuach

 

Grod wia_r_a Frau

(Just like a Woman/Bob Dylan)

Kan hod des vü Schmeazn gmochd.
Wia_r_i im Regn gstaundn bin heid Nochd.
Is ned ollahaund?
Es Madl hod neichs Gwaund.
Doch am End schdehds eh wieda nockad umanaund.
Und vo de Maschaln in iare Hoa siech i kans.

Sie nimmd, grod wias a Frau duad - grod a so,
und sie liabd, grod wias a Frau duad - grod a so,
und daunn duads weh, grod wias a Frau duad,
oba Schluss mochds, wia_r_a Madl, a glans.

Mei Brindsessin, jo, de mog i.
I glaub, i schau boid wieda zu ia hi.
Zum Darodn is ned schwa,
doss fia sie bessa wa,
sie wissad boid, sie is wia olle aundan a,
mid ian Schmuck, iare Buivaln und iare Dands.

Sie nimmd, grod wias a Frau duad - grod a so,
und sie liabd, grod wias a Frau duad - grod a so,
und daunn duads weh, grod wias a Frau duad,
oba Schluss mochds, wia_r_a Madl, a glans.

Es hod gregnd de gaundse Nochd,
da Duaschd, dea hod mi fosd Meia gmochd,
und drum bin i jeds do harin.
Und dei ewicha Fluach, dea druckd,
oba wos mi no mea mochd varruckd,
is dea Schmeaz do harin,
i kau ned bleim do harin,
es hod iwahaubd goa kan Sinn...

...weu i
brings afoch ned.
Es is Zeid fian Obschied, suns is zschbäd.
Soidt ma si wieda seng
und de glaubn, doss mia si megn,
bidtschee varrod kan, mia san scho beinaund glegn,
domois, wia_r_i ois woidt und du ned amoi ans.

Du vaschdöhsd di, grod wias a Frau duad - grod a so,
und du liabsd, grod wias a Frau duad - grod a so,
und daunn duasd weh, grod wias a Frau duad,
oba Schluss mochsd, wia_r_a Madl, a glans


© Gustav Freudmann 2016