Das ist die Seite von Gustav Freudmann / Mei Liadabuach

 

Heasd Dokdta

(Dear Doctor/Rolling Stones)

Geh, hüf ma, heasd Dokdta, i bin Meia.
Do is a Schmeads, duadt, wos Heads soidad sei.
Obs schlofd oda bumbpad,
reiß mas auße glei
und magaria mas in a Glasl ei.

Geh, hüf ma, heasd Mama, i griag de Frasn.
Heidt is da Dog, wo ma ollas kummd zsaumm.
Weu es Madl, wos i heirodt,
is a Graxn, voi schiach
und Schnobs hob i gsaugd wia_r_a Schwaumm.

Gib a Rua, foa ins Gwaund, hods kebed
und hod ma eigflesd an Lidta von Rum.
Zahd Sockn hoch, foa in Aunzug,
duad Madrodsn frisian.
Bisd vaheirodt, bevua_r_a Schdund no is um.

Drum, hüf ma, heasd Dokdta, i bin Meia.
Do is a Schmeads, duadt, wos Heads soidad sei.
Obs schlofd oda bumbpad,
reiß mas auße glei
und magaria mas in a Glasl ei.

Geh, hüf ma, heasd Dokdta, i bin Meia.
Do is a Schmeads, duadt, wos Heads soidad sei.
Obs schlofd oda bumbpad,
reiß mas auße glei
und magaria mas in a Glasl ei.

I hob zidad, wia i gfoan bin ins Sackl,
mid Foidtn, schoaf zum Massagrian.
Wia_r_i in Ring wü eischdeckn,
do find i an Wisch
und a Blids is ma gfoahn bis ins Hian.

Do schdehd, Schods, sei ma ned bes jeds.
zum Insgsichdsogn, hob i ned ghobd in Muad.
I bin gflichdt noch Idalien,
mid dein Bruada Feal
weswegens ka Hochzeid ned gebn duad.

Drum, hüf ma, heasd Dokdta, i bin Meia.
Schdeck ma zruck es Heads, duadt wos is gschdeckd.
Geh, Mama, i muaß wanan
vua Glick und Freid
und mei Buis, dea rennd wieda beafegd.


© Gustav Freudmann 2016, 2017, 2018, 2019