Das ist die Seite von Gustav Freudmann / Mei Liadabuach

 

Himmehoch, diaf wias Mea

(River Deep Mountain High/Eric Burdon & the Animals nach Ike & Tina Turner)

Wiasd a glanes Madl woasd,
hosd ghobd a Bubpal?
A anziches nua gaunds genau?
I wü, dossd mi jeds grod so
gean hosd, wia des Bubpal.
Owa zah au,
i wia oid und grau!

Jo, i wia öda, Madl,
an jedn Dog.
Und imma schdeaka wiads, Madl,
wia i di mog.
Und imma diafa gehds, Madl,
glaub mas, wos i sog.

Liab i di? Na, goa ned sea...
Nua himmehoch, diaf wias Mea!
Valia_r_i di, ob i daunn rea?
Kaunnsd drauf wedtn! Madl!
Madl! Madl!

Wia_r_i woa_r_a glana Bua,
hob i ghobd a Hundtal,
wos oiweu bickd is nua auf mia.
I wia da imma rennan noch
so wia des Hundtal.
I schwea das
i wia bleibn bei dia.

So daunkboa dad i sei, Madl,
so wias nua gehd.
Und es dad nimma weh duan, Madl,
waunn i di easchd häd.
Und liabn dad i di, Madl,
vo frua bis schbäd.

Liab i di? Na, goa ned sea...
Nua himmehoch, diaf wias Mea!
Valia_r_i di, ob i daunn rea?
Kaunnsd drauf wedtn! Madl!
Madl! Madl!

I mog di Madl,
wia de Brime in Abrü.
I wü di Madl,
wia de Aumsl singan wü.
I brauch di Madl,
wia de Oma ian Likea.
Und i liab di Madl,
himmehoch und diaf wias Mea!

Liab i di? Na, goa ned sea...
Nua himmehoch, diaf wias Mea!
Valia_r_i di, ob i daunn rea?
Kaunnsd drauf wedtn! Madl!
Madl! Madl!


© Gustav Freudmann 2016, 2017, 2018