Das ist die Seite von Gustav Freudmann / Mei Liadabuach

 

I mog di

(I want you/Bob Dylan)

Da Bombfinewara schdehnd vaschdead,
da Leiakosdnmau, dea read,
und des süwane Saxofon des blead,
loss di ned ei mid dea.
De Glockn schdiabd, de Fledtn brichd,
waunns ma blosn eanan Schbodt ins Gsichd.
Nua so gehds ned de Gschichd,
i bin ned do, di zum Valian.

I mog di,
i mog di!
Jo, i mog di, so oag!
Liabsde, i mog di!

Da bsoffane Bolidika duad sie beeun
ibad Schdrossn, duadt wo Miada heun
und de Heusbringa, wos si in Schlof vagreun,
de woadtn scho auf di.
Und i woadt, doss mi nimma lossn dan
aus mein Häfal drinkn, in zabrochanan
und sogn dan, heasd, moch da an Blan,
moch auf de Dia fia sie.

I mog di,
i mog di!
Jo, i mog di, so oag!
Liabsde, i mog di!

Olle meine Vodan de san owegrochd,
de woare Liab haums nie kennd ned.
Und olle eanre Dechda haum mi owegmochd,
weu mi des kimmad goa ned.

Jo, i glaub, i geh zruck zua Bikdam,
und red mid mein Zimmamadl daham,
de waaß, i griag kan besn Dram,
waunn i mas so auschau.
De is so guad zu mia und zum
Vaschdeckn gehd goa nix vua ia
und de duads gschbian, waunn i wos gschbia.
Nua mia is des egal.

I mog di,
i mog di!
Jo, i mog di, so oag!
Liabsde, i mog di!

Jo dei Zuckabuali mid sein Knebeboadt
hod mi ogredt und i woa scho sea hoadt.
I waaß, i häd mas bessa gschboad,
weu des is goa ka Oadt.
Oba i woa so, weu a glogn hod
und weu a di hambrochd hod goa so schbod
und weu jeds ois fia eam rennd grod
und iwahhaubd, weu i...

...mog di, i mog di!
Jo, i mog di, so oag!
Liabsde, i mog di!


© Gustav Freudmann 2016, 2017, 2018, 2019