Das ist die Seite von Gustav Freudmann / Mei Liadabuach

 

Nua a Via-Buchschdobn-Wuadt

(Love is just a four letter word/Joan Baez nach Bob Dylan)

Mia kummds grod so vua wia gesdan,
doss i hob mei Hian valuan.
Drundt in den Beisl, mid an Madl, wos
mid an Freind hod ghobd zun Duan.
De is duadt gesessn mid ian Bebi auf da Schoß.
Hod gredt von Lebn, wos is so frei, so wia nua wos.
In iare Augn woa ka Schbua ned vo freidlos.
Es woa vo ia, doss i zum easchdn Moi hob ghead aun den Uadt
doss de Liab is nua_r_a Via-Buchschdobn-Wuadt.

In Muagngraun haum vua de Gschäfd
de Kodsn duachanaund miaud.
Mei Mund wo a no zua,
i häd ma nix zum Sogn zu dia draudt.
Des, wos i gleandt hob, woa ned vü und ned beafekd.
Du hosd nua gredt und i hob mi daweu vaschdeckd,
vua den, dea wos di mid an Gschrobpn hod eideckd.
Und du hosd sicha glaubd, doss niemaund gibd, dea wos hean duad
wiasd sogsd, de Liab is nua_r_a Via-Buchschdobn-Wuadt.

I hob mi ogseud unbemeakd
und griabed wos si duad in mia.
Wos mi so afoch iwakummd
und i waaß ned es Wuadt dafia.
Mei Duhbl häd i gsuachd und no vü mea,
wos, wo_r_i aufgeh dua bis ois in mia is lea.
Obwoi i gsuachd hob und nix kumman is dahea,
hob i ma dengd, I waaß vo nix, wos is no mea absuad,
eis, de Liab is nua_r_a Via-Buchschdobn-Wuadt.

I hob ka Auhnung ghobd wosd gmaand hosd
so wiasd gredt hosd mid dein Mau.
I kau vo mia nua ausgeh, doch i glaub
doss is vaschdeh jeds kau.
Ofd gnua hob i mas iwalegn kennan gscheid. Da Kuss wos gödtn duad fia olle Ewichkeid,
hod si glei aufglesd ghobd in Lufd fia olle Zeid.
Zwa hod a gschdraafd, daunn woa_r_a fuadt scho wieda weid.
Und doss i ma söba schdeh in Weg, des waaß i heidt.
Es is wiagli nimma nedtich, doss ma wea vasichan duadt,
doss de Liab is nua_r_a Via-Buchschdobn-Wuadt.


© Gustav Freudmann 2016, 2017, 2018, 2019