Das ist die Seite von Gustav Freudmann / Mei Liadabuach

 

Samma einsaum heidt Nochd?

(Nach Are you lonesome tonight?/Elvis Presley)

Bisd scho miad heidte Nochd?
Hosd bein Feanschaun vü glochd?
Hosd vülleichd
heidt scho iagndwos dochd?

Häsd da gean no wos kochd?
Hods draussdn bumbpad und grochd?
Häsd gean wem,
wos de Nochd bei dia wochd?

Hod da Nochba scho wieda es Liachd ned ausgmochd?
Is do draussd iagendwea? Sog, wem häsd in Vadochd?

Hosd de Zähnd budsd fiad Nochd?
Is de Dia guad zuagmochd?
Geh, sog ma, Schods,
samma einsaum heidt Nochd?

Hosd an Fedsn heidt Nochd?
Hods da Alk wiagli brochd?
Mochds da Aungsd,
waunn es Headsal so bochd?

Hod de Kods wo higmochd?
Grodsd da Büdschama di sochd?
Muassd muagn draussd sei
scho vua Viadlochd?

Friasd allaa in dein Bedtal, hosd de Augn brav zuagmochd?
Und ned vagessn ins Bedtn, zum Hean, mid Aundochd?

Hod da Dog heidt wos brochd?
San de Gfüh rechd ogflochd?
Is bein Keazal
scho obrennd da Dochd?

Hod da Dog heidt wos brochd?
San de Gfüh rechd ogflochd?
Geh, sog ma, Schods,
samma einsaum heidt Nochd?


© Gustav Freudmann 2016, 2017, 2018