Das ist die Seite von Gustav Freudmann / Mei Liadabuach

 

Waunn es Schiff laufd ei

(When the Ship comes in/Bob Dylan)

Jo de Zeid wiad kumman,
wo de Wind weadn vaschdumman
und a jedes Lifdal wiad schdüh sei.
So wias dodnschdüh wiad
bevua da Schduam ois niedafiad.
Daunn, waunn es Schiff laufd ei.

Jo, es Mea wiad si deun
und es Schiff wiad si beeun
und aum Schdraund da Saund, dea wiad fliagn.
Und de Wossa weadn si schdöhn
und es weadn haumman de Wön.
Und ins Laund wiad da Muagn eiziagn.

Jo, de Fisch, de weadn lochn
und in Schiff Blods mochn
und de Mewn de weadn kichan dabei.
Und de Fösn in Saund
weadn zagn schdoiz eanan Schdaund.
Daunn, waunn es Schiff laufd ei.

Und jedas Wuadt wos dan valian,
nua damids es Schiff vawian,
wiad sei unvaschdaundn, kaum is ausn Mund.
Weu de Fessln von Mea
wiads iwadnochd gebn nimmamea
de weadn liegn aum Grund, gaunds diaf drundt.

Und a Liad wiads umewahn,
waunns de Segl owezahn
und min Boodt weadns kumman noch da Rei.
Und de Sun wiad schdroin so schee
fia jedn, wos auf Deck duad schdeh.
Daunn, waunn es Schiff laufd ei.

Und daunn wiad da Saund
an goidnan Dewich roin aufs Laund,
doss eam gschbian kennds duach eicha miade Haud.
Und von Schiff de gscheidn Leidt,
weadn eich sogn, jeds is de Zeid,
wo de gaundse weide Wöd eich zuaschaudt.

Jo, de wos augehd wiad sei baung,
waunns in Schlof reibn aus de Augn,
de weadn zeaschd glaubn, des kau goa ned sei.
De weadn si reissn aun de Hoa
und daunn weadns wissn, es is woa.
Daunn, waunn es Schiff laufd ei.

Daunn weadns de Händ hebn iwan Hois
und sogn, nehmds, mia gebn eich ois.
Nua von Bug wiads schoin, es hobds eich iwanumnan.
Und wia in Farao sei Hea
weadns olle undtageh in Mea
und wia da Goliadt weadns vakumman.


© Gustav Freudmann 2016, 2017, 2018, 2019