Das ist die Seite von Gustav Freudmann / Mei Liadabuach

 

Weisse Heisaln

(White Houses/Eric Burdon & the Animals)

Weiße Heisaln in budsiga Reih,
hebn si o von Himme so fean.
Schwoadse Hidtn, zsaummgfoin, driba da Baun,
de Kinda so hungrich, doss fosd rean.
Da Chrom, da Schdoi, da Dram von Medoi...
Und de Zeend in da Babpn vafoin.
De boa Ausschdeiga, de wos iwabliem san,
schboan es Göd, doss eana Hasch kennan zoin.

Reissds eich doch zsaumm!
Vü bessa wars, reissds eich doch zsaumm!
I glaub, es reissds eich bessa zsaumm, jeds glei!
Hobdsas gschnoid?
Bessa wars, bessa reissds eich doch zsaumm...

Gliabd woins olle wean, de gaundse Zeid,
doch eanan Nochboan, den haums no nie gseng.
Da Feansea seisld de Obndnochrichdn
ois in Foab und valogn wiasas meng.
Da Vuaschdaund dridt zsaumm, da Bresidend redt,
no ned oid, doch de Gnochn scheban mid.
De Madln haun si ind Schoin fia_r_an Daunds am Boi
und da Bua danebn kennd schdeabn fia_r_an Beat.

Reissds eich zsaumm!
Bessa wars, jo, bessa reissds eich zsaumm!
Oh, hobds ghead, wos i sog, i hob eich gsogd,
doss es, es reissds eich bessa zsaumm!
Bessa wars, reissds eich doch zsaumm!
Suns is zschbäd...

Ind Lod haums glegd a Bibe, in Zimma von Hodtö
und de schreid danoch, doss wea lesd.
Oba drinnad bleibds liegn, grobd si ei in Schdaub
kana vaschdehd wos davo, wos is gwesd.
De Liabandn liabn si in Kasdln aus Bedon,
weu muagn ned des is, wos heidte zöd.
Sie wissen eh, doss ned soidtn, oba eana is wuaschdt,
sie bringan d'nächsdn boid noch auf de Wöd.

Reissds eich doch zsaumm!
Jo, es! Bessa reissds eich zsaumm!
Oh, i glaub, i reiss mi söba a glei zsaumm.
Vaschdehds, wos i man?
I woa so zuanich, scho so laung.
Am liabsdn fliagad i fuadt,
i mechad ois richdich mochn,
i wüs haum, i wüs haum, Madl!
Und es, reissds eich, reissds eich jeds zsaumm!
Am besdn jeds glei!
Mia haumsas gsogd,
und i sogs dia, Madl!
Duas weida dazöhn!
Is echd a guada Rodt...


© Gustav Freudmann 2016