Das ist die Seite von Gustav Freudmann / Mei Liadabuach

 

Wia a Schdaa, wos foid

(Like a Rolling Stone/Bob Dylan)

Fria woas amoi, do woasd no gschoid so doi,
de Bedla hosd a Fuffzgal highaud, jedes Moi. Woas ned so?
Gsogd haums, de Leidt, Bubpal hoid di fesd,
dossd di ned daschdessd und du hosd da dengd, woadts nua, eich zag is scho.

Du hosd di buglad glochd
iwa_r_an jedn, dea wos ned hod brochd.
Oba auf goschad wiad jeds nimmamea gmochd
und dei Schdoids dea is da schee zsaummgrochd.
Weu jeds schdehsd in Baak a Schdund laung fia dei Subpal schdü.

Wia is es Gfüh?
Heasd, wia is so, es Gfüh?
Gaunds allaa in Woid.
Ohne an jedn Hoid.
Wia_r_a Schdaa, wos foid!

Jo, dei Elidteschui, Frau Einsaum, du waasd gaunds genau,
duadt haums di olle zsaumm nix wia schwindlich gmochd.
Und kana hod da gdsogd, do draussdn dobd de Schlochd
Und jeds foid da auf, des ois des hod da leida goa nix brochd.

Du hosd imma gsogd, des wiad nie sei.
Min Sönvakeifa loss i mi niemois ei.
Nua jeds waasdas scho, dea bleibd da drei.
Und sei Blick auf dia is schwa wia Blei,
waunnsd vo eam wissn wüsd, wos is drin fia mi, in den Gschbüh?

Wia is es Gfüh?
Heasd, wia is so, es Gfüh?
Gaunds allaa in Woid.
A unsichdboare Gschdoid.
Ohne an jedn Hoid.
Wia_r_a Schdaa, wos foid!

De Dränan vo de Glauns, de hosd nie woin seng
waunns vua dia auf de Gnia san gleng und haumm eana Besdas gebn.
Du hosdas nie begriffn, du soisd ned ois vabiagn,
doss de aundan fia di de Wadschn griagn und du lochsd danebn.

In Boasche bisd gfedsd mid dein Kavalia
wos grod is no hod bassd duach de Audtodia.
Fia di sans olle gschdaundn Schbalia.
Oba fia eam hod sa si gschdaundn dafia.
Weu a di hod ogramd wia_r_an Grisdbam und des voi mid Schdüh.

Wia is es Gfüh?
Heasd, wia is so, es Gfüh?
Gaunds allaa in Woid.
A unsichdboare Gschdoid.
Ohne an jedn Hoid.
Wia_r_a Schdaa, wos foid!

Eicha Hoheid, haum guad bassd zu de Leidt
wos glaubn, sie haums gschoffd und si zuschidn dann bis zum Grogn.
Wos si dan beschengn, mid ois wos is deia,
nua dein ledsdn Ring, den soidtasd liaba schnö ins Bfandl drogn.

Du hosd da gschboad ned an anzichn Geg
iwa in Messias, wos hod gredt nua Dreck.
Geh jeds hi zu eam, dea woadt scho auf di, in sein Vaschdeck.
Du hosd nix mea, drum nimmd da_r_a kana wos weg.
Du bisd nimma sichdboa und zum Ausblaudan hosd nimma vü.

Wia is es Gfüh?
Heasd, wia is so, es Gfüh?
Gaunds allaa in Woid.
A unsichdboare Gschdoid.
Ohne an jedn Hoid.
Wia_r_a Schdaa, wos foid!


© Gustav Freudmann 2016, 2017, 2018, 2019