Das ist die Seite von Gustav Freudmann / Mei Liadabuach

 

Wia si draussd de Radln drahn

(Watching The Wheels/John Lennon)

De Leidt sogn, du Varruckda.
Weu i dua, wos i dua.
Und daunn sogns ma, heasd, bass auf,
sunsd fliagsd voi aus da Schbua.

Waunn i sog, heads, mia gehds guad,
schauns mi au, wia is ned wü.
Und sogn, du kaunnsd ned glicklich sei,
bisd jo nimmamea in Gschbü.

Sie sogn, du Owezahra,
weu i mei Lebn loss vageh.
Und daunn sogns, dua des oda des
und glaubn, i wias vaschdeh.

Oba waunn i sog, mia reichd
es Schodtnauschaun auf da Waund,
sogns, heasd, gehd da nix o,
du hosd jo nix mea in da Haund.

I sids nua do und schau wia si draussd de Radln drahn.
I siechs so gean, waunns roin und roin.
In Ringlgschbü do hob i nimma midfoan woin.
I hobs afoch lossn sei...

De Leidt frogn laudta Bledsinn
und daunn sans voi vabuad.
I sog, a Broblem zöhd goa ned,
nua, wia mas lesn duad.

Daunn schidtlns eanan Kobf und schaun
eis wa_r_i voi duachknoid
und i sog, heads, i hob kan Schdress,
dua imma ois wia_r_is woidt.

I sids nua do und schau wia si draussd de Radln drahn.
I siechs so gean, waunns roin und roin.
In Ringlgschbü do hob i nimma midfoan woin.
I hobs afoch lossn sei.
I hobs afoch lossn sei.
I hobs afoch lossn sei.


© Gustav Freudmann 2016