Das ist die Seite von Gustav Freudmann / Mei Liadabuach

 

De ölegdrische Bend

(The Free Electric Band/Albert Hammond)

Mei Bapa is a Oazd, kennd nua mei Mama und mi.
Und mei Mama duad vü Guades in da Bfoa glei wisawi.
Olle zwa sans guade Biaga, de wos hoidn brav aufs Gseds.
San fia Freidheid, Rechd und Uadnung und si haum ned ofd a Heds.

Fia mei Glick haums imma beckd, sunsd hädns niemois ghobd a Rua.
In Summa zu de Bfodara, in Windta zua Kuidua.
Mei großoadtiche Zuakunfd, haums gaunds genau scho kennd.
Und i hobs aufgebn fiad Musik und fia de ölegdrische Bend.

Ind Schui gschickd haums mi, gschneidsd und kambped, wia_r_a brava Bua.
Und de Schui woa neich und groß und lichd und lufdich no dazua.
Duadt haumma gleandt, wos ois an Weadt hodt und des haumma si a gmeakd.
Weu daunn und waunn haums es Gedächdnis mid an Uanreiwal vasteakd.

Nauchhea hod da Bapa gschickd mi auf de Universided.
Nua, fia de hob i ka Zeid ned ghobd, fias Leanan woas scho zschbäd.
Meine Ödtan und Brofessan, de haum nie gschnoid, wias bei mia rennd.
I hob ois aufgebn fiad Musik und fia de ölegdrische Bend.

Jo, gsessn sans und griawed haums iwan Buam sei Karriea.
A Oazd, a Aunwauld oda wenichsdns a Inschenea.
Gehds, gebds ma Brod und Wossa und a E-Gidah in d'Hend,
weu i brauch jo nua Musik und nua de ölegdrische Bend.

Da Bapa hod mi aufkneld, doch de Koin, woa glei bassee.
fia_r_a Kods, de wos mi aufzwickd hod in an Subkuiduakaffee.
Jo, von ian Keabpa hed ma ois gleand, von ian Hian leida ned vü,
bis daunn laungsam aus ia aussekumman is, wos wiagli wü.

Si woidtad gheirod wean, obwois ka Wuadt ned hod valuan.
Oba i hobs eh scho gwussd, wias rennd, do zwischen iare Uan.
Vazogn hod sa sie aufs Laund, wo de Wöd is fosd am End.
Nau, hob is aufgebn fiad Musik und fia de ölegdrische Bend.

Oh, oh, de ölegdrische Bend...


© Gustav Freudmann 2016