Das ist die Seite von Gustav Freudmann / Mei Liadabuach

 

I hobs gschnoid

(I can tell/Bo Diddley)

I hobs gschnoid, weus seng a jeda kau.
I hobs gschnoid, a so wiasd mi schausd au.
Madl, waaßd, so wiasd mei Haund hoidn duasd,
I glaub, i waaß wosd vo mia dengn muasd.
I hobs gschnoid, i hobs gschnoid...
I waaß du liabsd mi nimmamea.

Dei Mama hob i gfrogd und dein Papa dazua.
Wos sunsd soid i duan eis oama Bua?
Min eagsdn Gigolo ziagsd jedzn umanaund.
I waaß, dia is wuaschd, doch fia mi is a Schaund.
I hobs gschnoid, i hobs gschnoid...
I waaß du liabsd mi nimmamea.

Beim Dölefon hebsd ma nimma o.
Und waunn i auglobf, sogns ma, du bisd ned do.
Dei Schwesda lossd mi eine und sogd "woadtsd hoid no".
Oba waunnsd daunn hamkummsd, jo, daunn schlof i scho.
I hobs gschnoid, i hobs gschnoid...
I waaß du liabsd mi nimmamea.

Nimmamea, nimmamea,
nimmamea, nimmamea.

Madl, du kenndsdt mid mia fosd ois dalebn.
Nua no a Schauss miassasd ma hoid no gebn.
Kochn dad i da, dei Gwaund dad sauba sei.
Und waunns draussd koid wa, haazad i da_r_ei.
Doch i hobs gschnoid, jo, i hobs gschnoid...
I waaß du liabsd mi nimmamea.


© Gustav Freudmann 2016, 2017, 2018