Mei Liadabuach - Schwoaz

Das ist die Seite von Gustav Freudmann / Mei Liadabuach

Schwoaz

(Paint it Black/Rolling Stones)

I siech a rodes Dial
und i woidt es wa schwoaz.
De Foabn ghean olle weg,
und i woidt, ois wa schwoaz.
De Madln schbazian vuabei
in eanan Summagwaund.
I muass mi wegdrahn, bis i
zruck bin aus mein finsdtan Laund.

A schwoaze Audtoschlaungan
siech i foan dahea,
mid Bluman und mein Madl -
wia beide seng nie mea.
I siech de Leid schnö wegschaun
und es Gsichd wegdrahn.
Grod a so, wias olle imma scho
dau haum und jedn Dog dan.

I schau noch innan und
i siech mei schwoazes Heaz.
I siech mei rodes Dial und waaß
schwoaz augmoid gheads.
Vülleichd kenndadt i mi valian,
brauchad nix mea von den seng, wos zöhd.
Wüsd jo eh nix seng, waunn so
diafschwoaz is dei gaunze Wöd.

Mei greanes Mea wiad si
blau feabn nimmamea.
I hobs ned gseng zuakumman
auf di, des Malea.
Waunn i nua laung gnua in de Sun schdoa,
daunn, waunns grod undtagehd,
lochn mia zwa vülleichd scho laung,
bevuas muagn wieda_r_am Himme schdehd.

I siech a rodes Dial
und i woidt, es wa schwoaz.
De Foabn ghean olle weg,
und i woidt ois wa schwoaz.
De Madln schbazian vuabei
in eanan Summagwaund.
I muass mi wegdrahn, bis i
zruck bin aus mein finsdtan Laund.

I wü dei Gsichd seng,
seng wü is
gaunds in Schwoaz!
Schwoaz wia d'Nochd,
koischwoaz,
wü is seng!
I wü de Sun
nimmamea
aum Himme seng!
Wü ois seng schwoaz
ogmoid, schwoaz ogmoid,
schwoaz wü is seng!
Jo-oh-oh-oh!